তোমাৰ বিদায়ৰ বেলা

( শব্দৰে খেলিবলৈ শিকোৱা হীৰুদা লৈ শ্ৰদ্ধাৰে )

আজি আকাশ মেঘাচ্ছণ্ণ,

 সিও কান্দিব আজি

 তোমাৰ বিদায়ৰ বেলা |

          দেশে দেশে দেশ আছে,

         গোটেই বিশ্ব-ব্ৰহ্মাণ্ড আজুৰি লৈ

             নক্ষত্ৰ বোৰৰ মাজেৰে প্ৰস্থান কৰিলা

             সাধুকথাৰ দেশলৈ |

সেউজীয়াৰ গীত গাব কোনে,

নক্ষত্ৰ বোৰৰ ধেমালী চাই,

হৃদয় জুৰাবলৈ আজি তুমি ক’ত ?

ৰৌদ্ৰ কামনা নকৰো,

পুৱাৰ ৰৌদ্ৰজ্বলে যে তুমি বিহীন এটি

            ৰাতিপুৱাৰ সম্ভেদ দিয়ে |

বাঁহীৰ সুৰ থমকি ৰ’ল,

মৰহি যাবলৈ নিদিওঁ

তোমাৰ হৃদয়ত ৰুৱা গোলাপ ডাল ||